Leygarkvøldið 16 mai kl 18 skipa vit fyri Drive in bingo við Bygdahúsið á Strondum. Hesin háttur verður nógv brúktur uttanfyri Føroyar. Tú / tit koma við bili til Strendur – tit fáa ávíst eitt pláss at parkera bilin – fólk koma at selja tykkum blokkar og lutaseðlar – vit hava eisini terminal.
Tit koma at sita í bilinum og spæla bingo – tølini fáa tit gjøgnum FM radio. Hevur tú bingo so trýstir tú á floytuna og fólk koma so at kanna plátuna. Vit koma at spæla 5 bingospøl fyri steðgin og 5 eftir steðgin. Vinningarnir eru – 1 rekkja virði 200 kr – 2 rekkjur virði 400 kr og full pláta virði 600 kr
Á lutaseðlinum er m.a. tvær ferðir 1000 kr. – vikuskiftispass til Summarfestivalin – eitt vikuskifti í neystinum hjá Niklas Hera við Sjógv á Strondum og døgurðamatur.
Tað eru yvir 100 parkeringapláss á økinum.
Vit selja í steðginum kaffi / te – kaka – Svali og Twix
Vinaliga minst til at taka dubbara við og eitt undirlag at leggja blokkarnar á.
Vælkomin øll somul.